Alvertía apocayá José Antonio Martínez, Decanu de la Facultá de Filoloxía, que’l procesu d’introducir l’asturianu como un «minor» nos estudios reglaos de la Facultá «inda taba mui verde» y que, anque yera optimista sobre’l resultáu de la votación que se va producir en payares, «nun descartaba qu’aparecieren enmiendes contraries». Con too y con eso afirmaba «ser optimista colos pies en suelu». Les primeres reacciones, de mui distintu signu, contra esti encaxe de la Filoloxía Asturiana nel catálogu de la Facultá yá se tán produciendo. A la protesta que fixo ayeri mesmu la Xunta pola Defensa de la Llingua, que consideraba esta opción del «minor» como «una opción parcial que sigue discriminando la llingua asturiana», ta la voluntá del profesor Félix Fernández de Castro, comunicada per carta a los sos colegues de la Facultá, de presentar una enmienda na que, per votación secreta, «cada miembro de la Junta exprese su preferencia respecto a la presencia o no de un ‘Minor’ de Asturiano en el futuro catálogo de la Facultad, y lo haga escogiendo entre las dos opciones siguientes: Opción A: Mantenimiento del ‘Minor’ en Asturiano’; Opción B: Exclusión del ‘Minor’ en Asturiano».
Félix Fernández de Castro, profesor titular de la Facultá de Filoloxía, argumenta na so carta les razones que lu animen a presentar esta enmienda. Nella dulda qu’esista una demanda social del asturianu y pregúntase «quién ha evaluado esa demanda social. Yo, al menos, no creo que exista tal cosa. Se invocan las peticiones de un Consejero Regional, relativas a las necesidades de la enseñanza secundaria. Ahora bien, es conocido que estos días el Gobierno Regional se ve obligado estos días a negociar un pacto con una formación minoritaria que exige gestos hacia el asturiano. ¿Acaso va a determinar una coyuntura meramente parlamentaria lo que diseñamos en la Facultad?».
Esa demanda social, según Félix Fernández de Castro, ta reducida «a una constelación de pequeños grupos, aunque con gran proyección mediática». Pa ilustrar esta apreciación argumenta que «en junio, 34 miembros de la Facultad de Filología votamos contra la titulación, y 15 personas se encerraron 4 días junto al despacho del Rector para protestar por ello. ¿Quiénes han acabado mereciendo más atención, desde el punto de vista institucional?».
Otra manera, el profesor uviedín diz nun oponese «a la docencia vinculada a la investigación científica» pero barrunta que se trata «más bien de una propuesta normativa, reguladora, destinada a construir una realidad que algunos, muy pocos, desean. Estoy convencido de que este proyecto de nuestro equipo decanal busca sobre todo favorecer lo primero [la investigación científica de la llingua asturiana]; pero llega a nosotros apoyándose en una solicitud, de origen pretendidamente “social”, que prefigura su deriva hacia lo segundo».
Por toes estes razones, y convencíu de que’l votu secretu ye «nuestra única forma segura de hablar, sin exponernos al insulto, la amenaza, o algo peor», consulta énte los sos colegues de la Facultá «a consideración anticipada» el carís de la enmienda que cuida presentar y na que se sometería a votación si se mantién o s’exclúi el «Minor» d’Asturianu.
(de Les Noticies, 23-10-2008)
Deixar ua Respuosta