Según l’Asociación Berciana en Defensa de la “Llingua Llïonesa” nomada “El Toralín”, l’Academia de la Llingua Asturiana ta «espandiendo’l so bable de llaboratoriu inventáu» pela comarca d’El Bierzo. Al traviés d’una nota de prensa denuncien a la entidá pública asturiana de «espansionismu llingüísticu y de ser el mamporreru del nacionalismu asturianu más intransixente».
L’orixe d’esta polémica ta en que, según los denunciantes, l’ALLA ta impartiendo cursos d’asturianu en Ponferrada, «fuera de les sos llendes xurisdiccionales y saltándose a la torera los sos propios estatutos», comenta Adrianu Martín, presidente de “El Toralín”. Tamién denuncia qu’enseñen una “variante del asturianu”, y non “lleonés”.
(d’Aruelu, 02-03-2009)
La cousa tien una espricación bien cenciella: los del Toralín (que son Conceyu Xoven, Xuventudes d’UPL) ven en peligru’l sou monopoliu de los cursos de llionés nel Bierciu. Y pa defendelo nun dudan en mentir como bellacos: el profesor ye llionés y el cursu entámanlo La Caleya que ye una asociación llionesa y el Consejo Comarcal del Bierzo. L’Academia namás asesora y unvía materiales.
Lo d’acusar a l’ALLA de promover un “bable de laboratorio” tien muita gracia viniendo de quien vien: el productu de las súas probetas (gramática “parda”) nun abulta menos falsu como copia mala que ye.