El martes 5 de mayu, a les 19:00 hores, na FNAC de Parque Principáu, va entamase una mesa redonda sobre la lliteratura infantil y la so problemática. Nella van tar como contertulios Sabel Tuñón, Lourdes Álvarez y Enrique Carballeira, toos tres rellacionaos col mundu de los llibros dirixíos a los más pequeños.
Tamién va aprovechase la ocasión pa presentar la colección de Publicaciones Ámbitu dedicada a los neños y neñes d’ente 0 y 3 años. Nesti sen, la editorial espublizó delles obres ilustraes y pensaes pa un públicu infantil que ye la primer vez que se familiariza con un llibru. Precisamente Sabel Tuñón y Lourdes Álvarez son les autores de los testos d’una serie que contién tílulos como Animales, Los animales, Animalinos o La primavera, toos ellos ilustraos con dibuxos d’Enrique Carballeira, y tienen un componente lúdicu y educativu pa un públicu tovía ayenu a les dinámiques de la escuela. Suponen un primer averamientu a la llingua asturiana y a los vezos de llectura.
(de la Estaya d’Asturianu de la RTPA, 04-05-2009)
Tierra alantre, la mesma fala 
Deixar ua Respuosta