La Xunta celebra esti miércoles la tradicional ‘Llectura de testos lliterarios n’asturianu’, dientro de la Selmana de Les Lletres, que va entamar a les 13 hores nel Salón Europa.
Pilar Alonso, Benjamín Gutiérrez, Ovidio Sánchez, Joaquín Aréstegui, Alfonso Román, Emilio Pérez Cueva, Elma Alonso, Cristina Coto, Jesús Iglesias, Emilia Vázquez y Diana Camafeita, van ser dellos de los parlamentarios asturianos que participen de la llectura, xunta diputaos por Asturies nel Congresu y senadores como José Manuel Cuervo, Pilar Fernández Pardo o Dorinda García.
L’actu va presentalu la presidenta de la Xunta Xeneral, María Jesús Álvarez González, que va entamar tamién la llectura. Dempués, van siguir lleyendo los conseyeros de Cultura, Educación, Bienestar Social y de Salú, participando de la mesma manera la directora xeneral de Política Llingüisica, la presidenta de la Academia de la Llingua, el rector de la Universidá d’Uviéu, la procuradora xeneral y el presidente del Conseyu de Comunidaes Asturianes, amás de diputaos de los tres grupos políticos con representación na Xunta Xeneral.
Los testos escritos n’asturianu que van lleese tán incluyíos nuna publicación editada pola Xunta Xeneral del Principáu con motivu d’esta celebración, baxo’l títulu ‘Caminos que naide triara’. La publicación contién un total de 45 microrrelatos escritos por otros tantos autores asturianos, especialmente pa esta ocasión.
(d’Asturnews, 06-05-2009)
Tierra alantre, la mesma fala 
Deixar ua Respuosta