La presidenta del Consell Nacional de la Joventut de Catalunya y los presidentes de la Joventut de Les Illes Balears, del Euskadiko Gazteriaren Kontseilua y del Conseyu de la Mocedá del Principáu d’Asturies (CMPA), firmaron n’Uviéu, el domingu 10 de mayu, un manifiestu conxuntu en reivindicación del reconocimientu del plurillingüismu del Estáu español.
La firma d’esti documentu punxo’l ramu a les I Xornaes de Mocedá y Llingües Minorizaes, qu’a lo llargo de la pasada fin de selmana axuntó na capital asturiana a xuristes, llingüistes, periodistes y miembros del movimientu asociativu xuvenil p’analizar la situación de les llingües.
Na rueda de prensa, el presidente del CMPA, Paulino Feito, dio les agrecies a los sos homólogos por acceder a la firma d’esti documentu «pa facer visible la situación na que s’encuentra la llingua asturiana, que nun tien l’estatus de llingua oficial». Amás, tolos firmantes manifestaron la so voluntá de convidar a otros conseyos territoriales a axuntase al manifiestu.
ANEXU: Manifiestu sobre’l reconocimientu del plurillingüismu del Estáu Español.
(de Les Noticies, 11-05-2009)
Tierra alantre, la mesma fala 
Deixar ua Respuosta