El Conceyu de L.lena anunció ayeri la so intención de siguir desenvolviendo delles campañes de fomentu del usu del asturianu nel ámbitu municpal. En concreto, según esplicó l’edil de Política Llingüística, David Suárez, nel exerciciu correspondiente al 2010 va ponese en marcha un paquete con siete midíes financiaes con una subvención del Gobiernu d’Asturies. Ente elles ta la ellaboración d’un folletu turísticu coles fiestes del conceyu, la edición del segundu volume del CD de música tradicional y una campaña d’asturianu pa esparder el so usu ente los usuarios de los centros de salú.
Les actuaciones van completase cola retulación de les dependencies municipales, una campaña pa neños, otra pal sector del comerciu y finalmente cola quinta fase del procesu de retulación toponímica. En cuantes a les campañes p’anguaño, inda tán pendientes actividaes sobre educación sexual y primeros auxilios y ta ultimándose la documentación oficial de cara al públicu en billingüe. L’edil de Política Llingüística rescampló la «bona acoyida» que tienen nel conceyu toles iniciatives puestes en marcha pa fomentar l’usu del asturianu y señaló que «prácticamente el conceyu ye billingüe en cuasi toles cuestiones que son públiques».
(de Les Noticies, 19-08-2009)
Tierra alantre, la mesma fala 
Deixar ua Respuosta