Güei xueves 15 d’ochobre, a les 11:OO hores, la Conseyera de Cultura y Turismu, Mercedes Álvarez González, va inaugurar oficialmente el I Festival del Llibru Infantil y Xuvenil, organizáu pola Conseyería de Cultura y Turismu en collaboración cola Mancomunidá de la Comarca de la Sidra y el Gremiu d’Editores d’Asturies.
El Festival va tener les puertes abiertes hasta’l domingu 18 d’ochobre y va acoyer una gran variedá d’actividaes que se programaron con una finalidá doble: favorecer que los neños y neñes y les sos families puedan acercase al mundu de la lliteratura infantil y xuvenil; y poner a disposición de los profesionales del sector (escritores, editores, ilustradores, traductores…) un marcu onde ufrir un panorama del estáu actual de la lliteratura fecha n’Asturies pa los más mozos. El programa completu pue consultase na sección Lliteratura d’esta páxina web.
Van acompañar a la Conseyera nesti actu inaugural la Directora Xeneral de Política Llingüística, Consuelo Vega Díaz; el Presidente de la Mancomunidá de la Comarca de la Sidra, Alejandro Vega Riego; la Presidenta del Gremiu d’Editores d’Asturies, Marta Magadán; y l’Alcalde de Villaviciosa, Manuel Busto Alonso.
(de la Dirección Xeneral de Política Llingüística, 15-10-2009)
Tierra alantre, la mesma fala 
Deixar ua Respuosta