Cadavéu, pueblín del Conceyu de Valdés, va acoyer esti sábadu, 24 d’ochobre de 2009 y en coincidencia col Día de la Biblioteca una Xunta d’Escritores n’homenaxe a Nené Losada y al Padre Galo. Na inauguración, a les 10:30 hores, van tar Roberto González-Quevedo, de l’Academia de la llingua Asturiana, Juan Fernández Pereiro, alcalde de Valdés, Néstor Xosé Fernández, Conceyal de Cultura, Ana Cámara, Xefa de la Seición de Coordinación Bibliotecaria de la Conseyería de Cultura y Turismu y Consuelo Vega, Direutora Xeneral de Política Llingüística del Pricipáu d’Asturias.
A les 11, Roberto González-Quevedo. Escritor y miembru de númberu de l’Academia de la Llingua Asturiana, va dar llectura a la pirmer ponencia “Pol camín del Padre Galo”, celebrándose a les 11:30 delles meses de trabayu, sobre Escribir n’asturianu, coordinada por Mª Esther García López, escritora y miembru correspondiente de l’Academia de la Llingua Asturiana; sobre editar n’asturianu, coordinada por Carmen Guardado Parga, escritora y profesora de L.lingua asturiana y sobre lleer n’asturianu, al cargu de Cristina Álvarez y Santiago Pérez, directores de biblioteques del occidente.
Dempués de la xinta, amenizada pola actuación de gaiteros de la Banda de Gaites “Faro de Luarca”, Xosé Nel Fernández Riesgo, escritor, va falar de la lliteratura en llingua asturiana como elementu na construcción de l’Asturies del sieglu XXI.
A les cuatro van siguir les meses de trabayu, dando llectura a les conclusiones a les cinco.
Yá a les siete, va celebrase’l pieslle oficial con un Homenaxe a Nené Losada, a cargu de Mª Esther García López; otru al Padre Galo, por María Regla Rico, de Cadavéu; y delles pallabres de les autoridaes ellí presentes.
L’actu ta abiertu a los escritores y xente venceyao a la llingua asturiana que quiera asistir, pero ye necesario avisar por cuestiones d’organización.
(d’Asturnews, 20-10-2009)
Tierra alantre, la mesma fala 
¿Ye ésta la oficialidá que pretenden dalgunos? Que lo del bable seya pa un grupín d’enchufaos y amigos col dineru de toos?
vergoña n’asturianu o en tagalo ye lo que ye. Desgraciademane asina furrulen los ayuntamientos nesti país, iguala pa construñír unos pisos que pa lo cultural, correes d’intereses sólo pa unos cuantos que cobren.
Cuánto van cobrar los “conferenciantes” amigos del conceyal?
¿Qué ye, Vilarelho, qu’a ti nun te convidaron, ho?
A todas estas, el Conceyu Valdés ¿qué foi, arrecuperóu la casa del Padre Galo pa facer dalgo asina cumo lo que fizo Llagreo cola casa de los Alberti?
Güei na Nueva España:
http://www.lne.es/occidente/2009/10/25/valdes-da-espacio-bable/825385.html