Vicente Gotor, rector de la Universidá d’Uviéu, va ser el próximu patronu d’honor de la Fundación Caveda y Nava, que va oficializar el so nomamientu’l 28 de payares, nuna ceremonia que se va facer, como ye vezu, en Villaviciosa. La Fundación quier reconocer asina’l compromisu de Gotor cola llingua y l’actitú que vien mostrando hacia l’idioma del país dende que se convirtió na máxima autoridá de la institución académica.
Los actos del 28 de payares van empezar a les doce del mediudía con una ufierta floral na casa natal de Caveda y Nava, en Villaviciosa. Media hora depués, la Casa la Oliva –sé de la Fundación Cardín– va acoyer el actu d’acoyida al rector. Nesi mesmu marcu va proyectase un videu ellaboráu pola propia Fundación onde se recueye la propuesta que fai’l colectivu pa desbloquiar la situación del idioma asturianu, incluyendo lo que podía ser un modelu pa la redacción del artículu IV del Estatutu d’Autonomía. El discursu del presidente de la Fundación Caveda y Nava, Inaciu Iglesias, y de José Suárez Arias-Cachero –conceyal de Cultura d’Uviéu–, que va ser l’encargáu de facer la presentación de Gotor, van preceder al ingresu definitivu del rector na nómina de patronos d’honor del colectivu.
Nestos últimos años, la llista de patronos d’honor de la Fundación Caveda y Nava vieno sumando nomes como los de Pilar Fernández Pardo, Hugo Morán, Enrique Castro Quini, Carmen Ruiz-Tilve, Gabino Díaz Merchán o Isidro Martínez Oblanca. A los actos del 28 de payares, que van concluír con una espicha de celebración, van poder asistir toles persones que quieran.
(de Les Noticies, 22-10-2009)
Tierra alantre, la mesma fala 
y esyo exactamente porque ye ? por nun tener el major en filoloxia na univeridad de Oviedo o ponte a facer un exame n’asturianu y ya veras lo que te pasa …
Ay dios con que poco nos conformamos ,,, “si tu me dices ven lo dejo todo”
Home, a mí tampouco me parez normal esa decisión ¿Pero qué tien que ver el maior de filoloxía ou fader un examen n’asturiano col rector? Tu puedes los exámenes puedes fadelos na l.lingua que queras, si nun te lu aceptan yía pol profesor (muitos nun tienen problema en que lu faigas n’asturiano, por cierto). La votación ente’l minor ya la especialidá qu’había hasta agora, outramiente, correspuende a la Facultá de Filoloxía, ehí’l rector nun pinta nada tampouco.
Podía fader muitas cousas ya nun fai nada, pero tampouco vamos eichá-y la culpa de lo que nun tien nada que ver con él, ho.
Ya outra cousa, si nun se fain exámenes, trabayos, tesinas ya historias d’estas n’asturiano yía en gran parte porque a los alumnos nun-ys da la gana. Depués falamos de salvar l’idioma, solo nun se salva.