Ente’l 9 y el 17 d’abril tán celebrándose en Zaragoza les XVII Chornadas das Luengas d’Aragón, entamaes pola Escuela d’Aragonés Nogará cola collaboración de delles asociaciones, organismos y instituciones.
Dende hai 17 años vienen organizándose estes xornaes que xiren alredor de la realidá llingüistica d’Aragón, un territoriu nel que conviven tres llingües: l’aragonés (arrequexao nel norte de Huesca), el catalán (faláu na llamada franxa oriental) y el castellanu. A lo llargo d’esos díes van tratase aspectos como la situación del aragonés na escuela, la fauna y los cambios del paisaxe n’Aragón o la Llei de Llingües aprobada pol Parllamentu aragonés hai unos meses. Amás d’eso, tamién van tratase aspectos d’otres situaciones llingüistiques de fuera d’Aragón, casu de les ikastoles en Navarra o la recuperación del occitanu gascón. Otra manera, la llingua asturiana va tar representada pol músicu componente de Dixebra y productor discográficu Xune Elipe, que va facer una esposición sobre la música asturiana contemporánea y la so importancia nel procesu de normalización social y normativización del asturianu.
El viaxe tamién va valir pa dar a conocer el fechu llingüísticu asturianu n’Aragón al traviés de la intervención d’Elipe en dellos medios de comunicación d’aquella comunidá, amás de pa facer una collaboración col grupu de rock n’aragonés Prau.
ANEXU: Programa d’as XVIIenas Chornadas d’as Luengas d’Aragon de l’Asociacion Cultural Nogara.
(de la Estaya d’Asturianu de la RTPA, 13-04-2010)
Tierra alantre, la mesma fala 
Deixar ua Respuosta