Por cuenta de la celebración institucional el 7 de mayu del día de Les Lletres Asturianes, que nesta edición dedicase al escritor Xosé Antón García, el Conceyu de Ribeseya, per aciu de la Conceyalía de Cultura, entama una serie de xeres enmarcaes no que va ser la III Selmana Ribeseyana de Les Lletres que va sirvir como homenaxe a tolos qu’escribieron y escriben na llingua Asturiana, y a los que faen usu d’ella a diariu.
Na programación d’esta III edición, va dedicase un día a conocer y poner en valor la figura del escritor ribeseyanu nacíu en Xuncu, Antonio Martínez Cuétara, pente medies de la representación d’un fragmentu de la obra “El tenoriu Asturianu” al cargu d’alumnos del IES Avelina Cerra.
Nesta III Selmana Ribeseyana de les Lletres, el 4 de Mayu, entregaránse los premios del III Premiu Arbidel de Cuentos Eróticos.
Programa
Los actos programaos empiecen el vienres 30 d’abril a les 6 de la tarde con una charra sobro Ubuntu, software llibre n’asturianu al cargu de Softastur, el programa Ubuntu podra instalase’l 1 de mayu dende les 11 de la mañana a les 7 de la tarde na Casa Cultura Ribeseya.
El martes 4 a les 18 hores Representación fecha por alumnos del IES Avelina Cerra de la obra del autor Ribeseyanu, Antonio Martínez Cuétara “El Tenoriu asturianu” (Méxicu 1944).
La entrega y llectura del III Premiu de Relatos Eróticos Arbidel sera el 5 miercoles a les 19 hores.
Y pa finar la III Selmana Ribeseyana de les Lletres, el xueves 6 a les siete de la tarde Conferencia sobro Xosé Antón García “Pin” a cargu de Laura Solís.
Tolos actos tendran llugar na Casa Cultura Ribeseya.
(d’Aruelu, 27-04-2010)
Tierra alantre, la mesma fala 
Deixar ua Respuosta