L’Academia de la Llingua Asturiana va tener la so nueva sede nes dependencies que l’Archivu Históricu ocupaba anteriormente nel Monasteriu de San Pelayo, en plenu cascu históricu d’Uviéu. El presidente del Gobiernu del Principáu, Vicente Álvarez Areces, fizo güei esta propuesta a la presidenta de la institución, Ana Cano, mientres una reunión pa tratar esti asuntu.
En rueda prensa, la conseyera de Cultura, Mercedes Álvarez, la mesma Ana Cano, y la directora xeneral de Política Llingüística, Consuelo Vega, informaron güei de la propuesta del Gobiernu autonómicu, recibida con “satisfacción” pola responsable de l’Academia. Instalase nun llocal en meyores condiciones que l’actual yera una vieya reivindicación del ente oficial.
A lo último, el Principáu decidió ofrecer esta nueva sede, de mayor superficie que l’anterior y en meyores condiciones. Van Ser necesaries unes obres d’acondicionamientu de les instalaciones, pero la conseyera estimó que nunos dos meses podría inaugurase’l nuevu llocal social. El preciu del alquiler que va encarar el Gobiernu autonómicu va ser de 24.000 euros añales, frente a los 18.000 que cuesta l’actual instalación na cai Santa Cruz.
Álvarez consideró que se trata de “un llugar privilexáu, en plenu centru d’Uviéu, mui vinculáu a la hestoria de la ciudá y d’Asturies, dende la so fundación na época medieval”. “Ye un llugar dignu y adecuáu a les necesidaes d’esta institución”, señaló.
Pela so parte, Ana Cano mostró la so satisfacción y agradecimientu, tanto al presidente autonómicu, como a la conseyera, y especialmente a Consuelo Vega, la directora xeneral de Política Llingüística col que siempres mos entendimos bien anque les nueses posiciones munches veces nun coincidan”. “Sabía que Chelo (por Consuelo) tenía confianza en solucionar esti problema”, añadió.
Al so xuiciu trátase de “una bona solución pa un vieyu problema”. Recordó qu’hai nueve años, “el presidente prometió un otru llocal”, añadió. Consideró’l llugar un encontu importante pal llabor de l’Academia”, y destacó que son más metros cuadraos que’l pisu de Santa Cruz, ubicación actual, un llugar que “nun pue ser sede d’una institución académica”.
Tanto Cano como Álvarez destacaron el llabor de les monxes del monasteriu, pol so especial cuidáu del Archivu Históricu, y por ser, en palabres de la conseyera, “un exemplu de continuidá y permanencia, les mesmes que dende’l Gobiernu queremos pa la cultural y la llingua asturiana con esta sede pa l’Academia”.
Reconocencia d’especialidá
Ana Cano mostró’l so deséu de que’l presidente “puea siguir cumpliendo les sos promeses”, y realizar un nuevu anunciu importante pa la ‘llingua’ asturiana antes qu’acabe la lexislatura. Preguntada por estes otres promeses, Cano refirióse a la demanda de l’Academia de que se reconoza la especialidá docente de Llingua Asturiana, oxetivu pal qu’espera que’l Gobiernu autonómicu tome partíu.
Recordó que’l próximu cursu va insertase yá’l Minor de Llingua Asturiana de Filoloxía, y la Mención de Maxisteriu, como estudios reglaos, y qu’esiste otra especialidá d’asturianu nel actual Máster de Formación del Profesoráu, too ello reconocíu pola Axencia Nacional d’Evaluación calidable y Acreditación (Aneca), órganu formáu por toles universidaes españoles. Asina, señaló que pese a la existencia d’estos estudios regulares, la non reconocencia de la especialidá sigue siendo un problema pa el profesores de ‘llingua’.
Señaló qu’otra de les reivindicaciones de l’Academia ye la demanda de cooficialidá de la llingua, pero foi un asuntu que nun se trató nel alcuentru de güei.
(d’Europa Press, 26-04-2010)
Tierra alantre, la mesma fala 
Deixar ua Respuosta