L’Academia de la Llingua Asturiana (ALLA) acaba de publicar dos númberos nuevos (131 y 132) de la so colección dedicada a la toponimia, nesta ocasión centraos nes parroquies de La Marea (Piloña) y Zarréu (Degaña). La primera recoyéronla Aurina González Nieda y Jerónimo González Cueto; y la segunda, Francisco Javier Redondas Maseda.
L’ALLA vien ufiertando na colección Toponimia los nomes de llugar asturianos según la tradición oral, con una descripción curtia de caún d’ellos gracies a les informaciones de bonos falantes y conocedores de la xeografia.
Toos estos datos que la institución va axuntando van facer posible, nel so día, asoleyar una obra xeneral del dominiu llingüísticu asturianu que pueda llevar el nome de Corpus Toponimicum Asturiarum onde, colo agora dao a la lluz, van inxertase otros datos documentales que van sofitar un bon estudiu llingüísticu, históricu y antropolóxicu.
Nos cartafueyos publicaos hasta’l momentu ta rexistrada la toponimia de munches parroquies de conceyos del occidente, centru y oriente d’Asturies.
(de la Estaya d’Asturianu de la RTPA, 31-08-2010)
Tierra alantre, la mesma fala 
Deixar ua Respuosta