L’Asociación de vecinos San Esteban de Sograndio (Uviéu) convoca la ventitrés edición del concursu de cuentos n’asturianu y castellanu Los Bilordios de Pinón. Tien tres modalidaes de participación: infantil, mocedá y adultos. A les dos primeres categoríes pueden presentase alumnos residentes n’Asturies y la tercera ta abierta a tolos autores que quieran.
Pueden presentase cuentos n’asturianu o en castellanu de más de tres folios y menos de seis, escritos a doble espaciu per una cara sola. Na categoría d’adultos, va dase un premiu de 1.000 euros pa caúna de les dos llingües y un accésit únicu de 500 euros. Pa les categoríes infantil y mocedá va haber dos premios especiales consistentes en diploma y llote de llibros.
Los cuentos hai que los mandar enantes del 27 d’ochobre, por cuadruplicao, per corréu certificáu a l’Asociación de Vecinos San Esteban de Sograndio, Sograndio e/n, 33193 Sograndio (Uviéu).
El xuráu del concursu van formalu persones rellacionaes col ámbitu de la lliteratura y la cultura asturiana. Los ganadores van dase a conocer el día 27 de payares del 2010.
(de la Estaya d’Asturianu de la RTPA, 19-10-2010)
Tierra alantre, la mesma fala 
Deixar ua Respuosta