L’Academia de la Llingua acaba de facer una reedición facsimilar del llibru tituláu Llingua y Sociedá Asturiana, de Xosé Lluis García Arias. Esta obra foi’l primer ensayu publicáu n’asturianu. Orixinalmente foi l’asociación Conceyu Bable quien la punxo na cai nel añu 1976. Posteriormente, la editorial Alborá Llibros volvió a editalu na so colección Comuña Lliteraria con delles correcciones y actualizaciones. Ésta última ye precisamente la qu’agora pon a disposición de tolos interesaos l’ALLA na so colección Llibrería Facsimilar.
Trátase d’un llibru ensin dulda históricu y escritu nuna dómina na que la disciplina sociollingüística malpenes tenía una década d’existencia. D’ehí’l so interés por comprobar cómo los principios de nueva ciencia podíen aplicase pa entender la situación social de la llingua asturiana.
L’Academia de la Llingua, al reeditalu agora n’edición facsimilar, quier amosar la manera en que l’argumentariu científicu encontaba, va yá trenta y cinco años, los oríxenes de la reivindicación y recuperación llingüística n’Asturies.
(de la Estaya d’Asturianu de la RTPA, 30-11-2010)
Tierra alantre, la mesma fala 
Deixar ua Respuosta