Una edición nueva de los cursos y talleres de la Universidá Popular de Xixón va principiar d’equí a poco y por cuenta d’ello abre’l plazu de matrícula. Asina, dende’l día 25 de xineru tolos interesaos en matriculase pueden facelo nes sos dependencies, o bien al traviés del caxeru o d’Internet.
La matrícula ha facese siempre cola Tarxeta Ciudadana. N’Internet o caxeros ciudadanos va pidise’l númberu PIN. Si nun se dispón de tarxeta ciudadana, pue solicitase nel momentu, nes Oficines d’Atención al Ciudadanu o, en tiempu, al traviés de la páxina web http://www.xixon.es. La matrícula va principar de manera gradual los díes 25, 26 y 27 de xineru y el plazu pa matriculase acaba’l 11 de febreru.
Son bien de materies les qu’esti añu van impartise nos cursos y talleres que tienen como fecha pa empezar el 16 de febreru. Ente elles dalgunes tan distintes como encuadernación, danza, teatru, espresión corporal, arte n’Asturies, exiptoloxía, técniques de relaxación o guión cinematográficu. Nun van faltar tampoco los cursos de llingua asturiana, dixebraos nos niveles de básicu y afondamientu.
(de la Estaya d’Asturianu de la RTPA, 16-01-2011)
Tierra alantre, la mesma fala 
Deixar ua Respuosta