Los Premios AMAS, dedicaos a reconocer el llabor a lo llargo del añu de los músicos asturianos, principien una edición nueva cola publicación de les sos candidatures. Nesta ocasión les secciones nes que se dixebren estos gallardones son: Voz, Baxu, Batería, Guitarra, Teclaos, Otros Instrumentos, Gaita, Lletres, Producción, Directo, Portada y Diseñu, Videoclip, Canción Folk, Discu Folk, Canción Rock, Discu Rock, Canción Otres Escenes, Discu Otres Escenes, Grupu Relevación y Banda Sonora de Curtiumetraxe Asturianu.
Ente los nominaos figuren dellos de los nomes más conocíos de la escena musical del país, casu de Skama la Rede, Maurizios, Verde Cannaia, Mala Reputación, Manolo Peñayos, Los Oricios, Corquiéu, Anabel Santiago, Skontra o Pauline en la Playa.
El 4 de marzu va facese la VI Gala d’entrega de los Premios AMAS nel Teatru Filarmónica d’Uviéu, y tolos interesaos yá pueden votar a los sos favoritos na páxina web http://www.premiosamas.com dende’l 17 de xineru hasta’l 17 de febreru. La entrada p’asistir a la gala pue consiguise na llibrería La Palma d’Uviéu a partir del día 10 de febreru al comprar l’Anuario de la Música en Asturias 2010 (con un cedé y un DVD de regalu). Otra manera, la ceremonia va poder siguise tamién al traviés de la TPA.
ANEXU: Candidatures.
(de la Estaya d’Asturianu de la RTPA, 17-01-2011)
Tierra alantre, la mesma fala 
Deixar ua Respuosta