Nestos díes l’Academia de les Artes y les Ciencies de la Música dio a conocer los nomes de los prefinalistes a les munches categoríes establecíes na XV Edición de los Premios de la Música.
Nel apartáu de Meyor Canción n’Asturianu tán nominaes: «Agora» d’Anabel Santiago, «Arrímate a mi» de Stroza, «Chueve» de Brandal, «Danza Prima» de Manolo Peñayos, «Entre ríos y entre soutos» de Verdasca, «I&C» de Corquiéu, «Llárimes» de La Col.á Propinde, «Nel Olaya» de Skanda, «Nunca vais poder» de Skama la Rede, «Vecindeiro» de Rafa Lorenzo y «Yá nun canta’l vaqueru» de Los Berrones.
D’ente toes elles van salir les tres finalistes qu’opten a ser consideraes como la meyor composición musical en llingua asturiana del añu 2010. Desque se creó esti premiu, depués d’años de la existencia d’ún igual pal gallegu, vascu y catalán, los ganadores foron Pepín Robles con «Nunca máis» (2004), Chus Pedro con «Agora sal a bailar» (2005), Los Berrones con «Fai deporte» (2006), Rossaleda Jazz Quartet con «Na fonte» (2007), Tejedor con «Seique non» (2008), Esther Fonseca con «Negra» (2009) y Dixebra con «Cantar de la redención» (2010). Ábrese agora un procesu de votaciones internu de l’Academia del que, a lo llargo del mes de febreru, van sabese los nomes d’esos tres finalistes.
(de la Estaya d’Asturianu de la RTPA, 24-01-2011)
Tierra alantre, la mesma fala 
Deixar ua Respuosta