El 10 de febreru de 2011 publicáronse nel Boletín Oficial del Principáu d’Asturies (BOPA) los topónimos del conceyu de Ponga, talamente como foron aprobaos pol Conseyu de Gobiernu del Principáu d’Asturies na so sesión del 2 de febreru pasáu. Puede consultase’l testu del Decretu 4/2011, de 2 de febreru, pol que se determinen los topónimos oficiales del Conceyu de Ponga, na sección Toponimia d’esta páxina web.
Con esti son yá 49 conceyos los qu’acabaron la revisión de los sos topónimos tradicionales y otros 14 emprimaron esti procesu afaláu pola Conseyería de Cultura y Turismu al envís de recuperar la toponimia tradicional y incorporar de manera progresiva los nuevos topónimos oficiales a la señalización vial.
Esti procesu emprimó nel añu 2004 cola constitución de la Xunta Asesora de Toponimia del Principáu, que dende entós vien desarrollando un trabayu bien intensu de revisión y determinación toponímica, movilizando a espertos en trabayu de campu y collaborando con autoridaes municipales y colectivos vecinales y culturales.
Trátase d’un procesu de revisión llargu y exhaustivu, entamáu tres de la petición de los propios ayuntamientos, onde intervienen los partíos políticos con representación municipal, los colectivos de vecinos, les asociaciones de la zona, l’Academia de la Llingua Asturiana y la Universidá d’Uviéu, mesmo qu’investigadores, encuestadores y espertos en toponimia.
(de la Dirección Xeneral de Política Llingüística, 10-02-2011)
Tierra alantre, la mesma fala 
Deixar ua Respuosta