El colectivu Anonymous AST acaba de dar a concer un documentu audiovisual onde se demuestra d’una manera «nítida, atayante y incuestionable» que los topónimos de Carreño recoyíos pol equipu asesor y oficializada nel BOPA de 6 de mayu del 2005 son los topónimos tradicionales. Asina quieren demostrar la «falta de rigor» nes noticies espardies por «dellos elementos sociales» nel Conceyu de Carreño rellacionaes cola toponimia tradicional.
Na pieza audiovisual, de cinco minutos de duración, el colectivu muestra al traviés d’unes video-imaxes a les que tuvo accesu, el llabor de trabayu de campu realizau in situ pol profesor Álvarez-Balbuena xunta a Ramsés Ilesies Fernández y Xosé Antón Fernández Ambás ente últimos del añu 2010 y primeros del 2011.
Nesta pieza audiovisual pue comprobase cómo topónimos como Quimarán, Prevera, Llorgozana, Priendes o El Pieloro son los reconocíos polos vecinos como tradicionales, populares y cotidianos.
Anonymous AST quier, al traviés les sos acciones, y al traviés d’esti videu en particular, «llantar cara d’una forma atayante a aquellos elementos distorsionadores que pretenden callar la voz del pueblu, la voz de la xente, la voz popular».
(de Les Noticies, 26-04-2011)
Tierra alantre, la mesma fala 
Deixar ua Respuosta