Nel BOPA de 29 d’abril publícase la convocatoria de subvenciones en visu a fomentar l’usu del asturianu y del gallego-asturianu n’iniciatives particulares, empresariales o asociatives, y en xeneral como vehículu d’espresión cultural.
Ente elles s’alcuentren:
1. Ayudes dirixíes a estudios que, tratando de dalgún tema d’interés, tean redactaos n’asturianu o en gallego-asturianu, o que traten d’estos idiomes nes sos dimensiones llingüística, lliteraria, sociollingüística, musical o cultural en xeneral, independientemente de la llingua en que tean redactaos;
2. Ayudes económiques pal desarrollu d’actividaes específiques d’asociaciones y otres entidaes ensin ánimu de lucru que faigan y promuevan actividaes en defensa, promoción y fomentu del asturianu y, nel so ámbitu, del gallego-asturianu;
3. Ayudes pa les actividaes d’empreses privaes pa la normalización social del asturianu.
4. Ayudes dirixíes a la realización d’actividaes cinematográfiques y de videu de tipu creativu qu’apareyen la normalización y dignificación social del asturianu y, nel so ámbitu, del gallego-asturianu, posibilitando coles mesmes la creación d’un fondu audiovisual n’entrambos los dos idiomes;
5. Ayudes a empreses fonográfiques cola fin de promocionar la música n’asturianu o en gallego-asturianu que se faiga en distintos soportes y onde estes llingües tienen que ser l’idioma normal y vehicular de los cantares y de tolos testos impresos o dixitales qu’acompañen a la obra musical;
6. Y ayudes a medios de comunicación pa la producción d’espacios onde s’use l’asturianu, o’l gallego-asturianu nel so ámbitu, siempre que l’emplegu contribuya a la normalización y dignificación del usu social de la llingua y sían espacios configuraos como propios del mediu de comunicación y asumíos por él.
Últimu día pa presentar proyectos: 30 de mayu de 2011.
ANEXU 1: Convocatoria.
ANEXU 2: Modelu de solicitú.
(de la Dirección Xeneral de Política Llingüística, 29-04-2011)
Tierra alantre, la mesma fala 
Deixar ua Respuosta