La Conseyería de Cultura y Turismu del Gobiernu d’Asturies editaba estos díes un DVD tituláu Una mañana, nel que se contién l’espectáculu del mesmu nome (col subtítulu Un viaxe sonoru a la patria de les palabres).
El 3 de mayu del añu 2007, el Teatru Filarmónica d’Uviéu acoyía esti montaxe, como actu central de la 28 Selmana de les lletres Asturianes, nel que s’axunta teatru, música y videocreación col aquel de facer un homenaxe a la narrativa asturiana actual. El responsable del llibretu y compositor de los cantares foi l’escritor Adolfo Camilo Díaz, que contó cola collaboración de los actores Carlos Dávila y Mercedes Menéndez, los cantantes Emilio Menéndez, Esther Fonseca y Xulio Antidio, y los músicos Julio César Picos Sol (pianista), María Menéndez (violonchelu) y Jorge López García (clarinete).
El resultáu final de too ello ye un cabaré con pieces musicales inspiraes en testos d’escritores contemporáneos en llingua asturiana, casu de Xandru Fernández, Xuan Bello, Vicente García Oliva, Xuan Santori, María Teresa González, Xosé María Rodríguez, Antón García, Xulio Vixil, Esther Prieto, Miguel Rojo y Vanessa Gutiérrez.
(de la Estaya d’Asturianu de la RTPA, 09-05-2011)
Tierra alantre, la mesma fala 
Deixar ua Respuosta