El día 27 de mayu va pesllar La Casa Posafuelles. El chigre de la Xunta pola Defensa de la Llingua Asturiana pieslla depués de seis años (más añu y picu, si se cuenta el so chigre predecesor, El Naranco). Según comunica la organización, diferentes circunstancies normatives y, sobre manera, económiques qu’afecten al local actual, fáen-yos optar pol pieslle temporal a la espera de topar con un sitiu y unes condiciones más afayadices.
Faciendo balance d’esta etapa, la Xunta ta satisfecha del «llabor de visibilización del idioma y mui agradecíos a les mil y milenta persones que collaboraron nes actividaes», y ye que nestos años hubo más de dos centenares de conciertos, presentaciones de llibros, discos y revistes, amás de munches fiestes.
A partir de les ocho de la tarde del vienres 27 de mayu, van convidar a tola xente a celebrar la despidida de La Casa Posafuelles na so ubicación actual. Va haber música, puya de los cuadros qu’hai nel llocal, amás de comida y otres sorpreses.
(de Les Noticies, 24-05-2011)
Tierra alantre, la mesma fala 
Deixar ua Respuosta