El Conseyu de Gobiernu d’esti 25 de mayu aprobó la firma d’un conveniu cola Fundación Aula de les Metáfores pa la creación y desarrollu de la Biblioteca de Poesía Asturiana, que va axuntar tolos títulos publicaos n’asturianu.
Esti espaciu inauguróse’l 14 d’abril pasáu, con más de 300 volúmenes donaos pola Dirección Xeneral de Política Llingüística. Esta Biblioteca surdió gracies al patrociniu de la Conseyería de Cultura y Turismu y axunta les referencies de la poesía asturiana de tolos tiempos.
Según indiquen dende’l Gobiernu asturianu, les demás actividaes van ayudar a un meyor conocimientu y apreciu de la poesía asturiana, a la so contestualización ordenada nel ámbitu de la creación poética actual y a la meyor promoción de la poesía y los poetes en llingua asturiana, «oxetivos toos ellos del Gobiernu d’Asturies».
(de Les Noticies, 25-05-2011)
Tierra alantre, la mesma fala 
Deixar ua Respuosta