L’Asociación d’Escritores d’Asturies entrega los XII Premios de la Crítica y el VI Premiu de les Lletres d’Asturies nun actu públicu nel Gran Hotel Regente d’Uviéu, a les 20 hores, del xueves 6 d’ochobre. Con esti premiu reconócense los meyores llibros publicacos nel 2010 d’autores nacíos o residentes n’Asturies. Los Premios de la Crítica d’Asturies, patrocinaos pola Conseyería de Cultura y Deportes y Caxastur, nacieron nel añu 1999 por iniciativa de Eva Carballo, Javier Lasheras, Juan Carlos García Villa, Jaime Herrero y Helios Pandiella, col oxetivu reconocer y dar puxu a la lliteratura fecha n’Asturies.
El xuráu de l’Asociación d’Escritores d’Asturies quixo gallardonar nesta edición a Juan José Plans col Premiu de les Lletres d’Asturies pola so condición d’humanista en tolos ámbitos de la cultura, siempre sollerte a la proyección d’Asturies fuera del so territoriu. Otra manera, los premios de la Crítica d’Asturies a les publicaciones en llingua castellana son pa José Angel Ordiz pola novela Las luces del puerto, Ana Vega pol poemariu Breve testimonio de una mirada, y Rafael Blanco na categoría d’ensayu. Pela so parte, los autores en llingua asturiana premiaos son Iris Díaz Trancho na categoría d’infantil y xuvenil por Mio ma, la pirata, Xurde Fernández pola novela Intentu d’escritura, y Pablo X. Suárez por Yoni y yo, na categoría de cuentu. A los premiaos va facese-yos entrega de la escultura Apolo del artista Jaime Herrero.
(de la Estaya d’Asturianu de la RTPA, 06-10-2011)
Tierra alantre, la mesma fala 
Deixar ua Respuosta