L’asociación cultural El Corriellu La Pandorga de Bimenes presenta y estrena la película Amor míu del alma’l sábadu 29 d’ochobre a les siete de la tarde, nel polideportivu de la escuela pública de Martimporra. La recuperación y conservación de les tradiciones ye ún de los oxetivos de l’asociación yerbata, asina, col fin de contribuyir a esti llabor de conservación del patrimoniu asturianu y les nuestres señes d’identidá, realícense actividaes de calter local a lo llargu l’añu que tienen difusión y efectu sobre la mocedá y perpasen les llendes del conceyu.
Con esti envís, realizóse esti llargumetraxe costumista qu’espeya la vida en Bimenes al principiu del sieglu XX al traviés de les aventures y dificultaes que sufre una familia d’un pueblu llamáu Castiellu. La película reflexa lo duro de la vida na zona rural asturiana, la emigración, les clases sociales, l’amor y el desamor. La escasez y una sociedá mui ríxida nun dexaben sitiu pa los sentimientos, sicasí, esta obra audiovisual de 59 minutos de duración tien un final feliz, nel que l’amor s’impón perriba de too.
(de la Estaya d’Asturianu de la RTPA, 28-10-2011)
Tierra alantre, la mesma fala 
Deixar ua Respuosta