II Concursu de música y llingua asturiana pa xente mozo: ¡Que suene la llingua!

Hasta’l día 12 de marzu de 2012 podrán presentase los trabayos al II Concursu “Que suene la llingua”

Convoca: La Oficina Municipal de la Llingua de la FMCEUP del Conceyu de Xixón.

Fin del plazu de presentación: Los trabayos presentaránse enantes día 12 de marzu de 2012.

Dotación: El premiu va consistir na edición del cantar y l’actuación del grupu durante la celebración de la IX Edición de los Alcuentros “Saca la llingua”, que van celebrase nel mes d’abril de 2012.

Observaciones: Van poder presentase grupos de cualesquier estilu de música, de xente mozo d’hasta 20 años empadronao nel conceyu de Xixón. L’oxetivu d’esti concursu ye axuntar la llingua asturiana y la música pa crear un cantar que sirva d’himnu pa los futuros Alcuentros de la Mocedá cola Llingua.

ANEXU: Bases convocatoria II Concursu Que suene la Llingua.

(de la Oficina Municipal de la Llingua de Xixón, 16-11-2011, vía Falar y lleer, 28-11-2011)