El cuentu títuláu «1962», firmáu pol pseudónimu Aureliano Pueyrreidón foi’l ganador del concursu lliterariu de Los Bilordios de Pinón na categoría d’asturianu, que convoca l’Asociación de Vecinos San Estaban de Sograndio. Detrás d’esi nomatu taba l’escritor xixonés Quique Faes. El xuráu, qu’aconceyó’l 26 de payares nel centru social de Sograndio, reconoció la calidá narrativa y el dominiu de la llingua asturiana del cuentu escritu por Faes. Na categoría de xuvenil y infantil, el premiu foi compartíu por Mara Blanco y Isabel Pardo, pol rellatu «Un cuentu rarísimu».
Otra manera, en cuantes al premiu en castellanu, los ganadores foron: «Cosas», de Miguel Sánchez, na categoría d’adultos; y «Capitel», de María Zamarreño, na categoría de xuvenil. Amás, na categoría d’adultos concedióse un accésit al trabayu tituláu «Amor de padre muerto», de la escritora Dolores Marín.
El xuráu taba formáu por José Alba, Roberto González-Quevedo, Carlos Osoro, Idoya Rey, Liliana Blanco, Ignacio Fonseca y Iván G. Fernández, periodista de Les Noticies. Los premios van entregase’l 26 d’avientu.
(de Les Noticies, 28-11-2011)
Tierra alantre, la mesma fala 
Deixar ua Respuosta