Dixebra celebra’l so 25 aniversariu cola edición d’un discu mui especial: Dixebra XXV. 1987-2012. Con un formatu de luxu atractivu y orixinal, la obra repasa, en venti temes, dellos de los momentos y estilos que marcaron la trayectoria de la formación y fai una retrospectiva sonora de les sos grabaciones en toos estos años. La producción tuvo al cargu de Sergio Rodríguez, collaborador habitual del grupu.
Amás de los músicos actuales, collaboraron na grabación ex-componentes, amigos y intérpretes destacaos de la escena asturiana, como Israel Sánchez (El Sueño de Morfeo), Rubén Bada, Pablo Carrera (Duerna), Lisardo Prieto (Felpeyu), José Manuel Tejedor, Daniel Álvarez (Corquiéu) o Miguel Herrero, ente otros.
Mención aparte merez el llibretu, onde se recueyen testos firmaos por Beatriz Redondo Viado (periodista), Miguel Fernandi (músicu), Roberto González-Quevedo (escritor y académicu de la llingua asturiana), Xicu Ariza (músicu y periodista), Pablo Texón (escritor) y David Artime (periodista). Toos ellos reflexonen sobre lo que significó y significa Dixebra pa la llingua asturiana y la escena musical asturiana en xeneral y pa ellos en particular. La parte lliteraria zárrase con un cuentu futurista que se desenvuelve nun conciertu de la banda.
El discu ta editáu por Goxe Records/L’Aguañaz y yá se pue adquirir nes tiendes y na web oficial del grupu: http://www.dixebra.net.
(de la Estaya d’Asturianu de la RTPA, 12-12-2011)
Tierra alantre, la mesma fala 
Deixar ua Respuosta