Publicaciones Ámbitu acaba de sacar a la venta l’Anuariu de la Música Asturiana 2011, publicación periódica asociada, dende’l so nacimientu, al sellu discográficu L’Aguañaz. La revista pue adquirise en llibreríes d’Asturies y al traviés de la tienda dixital d’Ámbitu.
L’Anuariu de la Música Asturiana ye una publicación que recueye informaciones, entrevistes y reportaxes n’asturianu de los acontecimientos principales del añu na escena musical del país, amás de cróniques de conciertos, concursos y reseñes de les novedaes discográfiques de distintos xéneros musicales.
Na edición del 2011 hai conteníos dedicaos, ente otros, a los grupos de rock y folk Dixebra, Felpeyu, Bacotexo, Tejedor o Tuenda; a les bandes de gaites de Villaviciosa y Llariegu –que faen 25 años–, y a los cantantes de tonada Marisa Valle Roso, Anabel Santiago y Celestino Rozada. Tamién se fai reseña de delles publicaciones sobre’l folclore asturianu y sobre didáctica musical.
(de la Estaya d’Asturianu de la RTPA, 23-12-2011)
Tierra alantre, la mesma fala 
Deixar ua Respuosta