“Noreña y la Sidra. Apuntes sobre la hestoria sidrera d’un conceyu Asturianu” ganó por unanimidá’l III Premiu d’Ensayu Emilio Trabanco Trabanco, que cunta con una dotación de 1.500 €.
El xuráu, compuestu por David M. Rivas (presidente), Antón Fuertes, Inaciu Hevia Llavona y Antonio Fernández Álvarez, alcordó por unanimidá otorgar el Premiu Emilio Trabanco a Antonio Martínez Fernández pola so obra “Noreña y la sidra. Apuntes sobre la hestoria sidrera d’un conceyu asturianu”. Arriendes d’ello, el xuráu valoró perpositivamente la calidá del restu de trabayos presentaos (cincu, dos n’asturianu y tres n’español) y confirma’l ca vuelta mayor nivel de les obres que se presenten a esti premiu qu’algama yá la so tercer edición.
En pallabres del hestoriador noreñés: “Noreña y la Sidra” tien un oxetivu primeru, el d’emponderar una industria escaecía nel conceyu,la de la sidra, que tuvo un pesu relevante na historia de Noreña y que, polo xeneral,o nun se tien en cuenta o trátase de forma anecdótica n’obres xenerales sobro’l conceyu”. El Premiu d’Ensayu “Emilio Trabanco Trabanco” ye una iniciativa puesta en marcha pola revista La Sidra, espublización con dellos años d’esperiencia nel sector sidreru. Grupu Trabanco patrocina esti gallardón, col que se contribúi al estudiu y espardimientu de toos aquelles temes que definen la cultura de la sidra n’Asturies.
(d’Infoasturies, 16-01-2011)
Tierra alantre, la mesma fala 
Deixar ua Respuosta