Suburbia Ediciones acaba de publicar el númberu 9 de la so colección de poesía males tierres. Trátase de Los nomes de la lluvia, poemariu d’Ana Rosa Fernández col que la editorial, según esplica nuna nota de prensa, «apuesta pola lliteratura de calidá y por dar voz a autores poco conocíos». Sicasí, Ana Rosa Fernández (Sotrondio, 1965) nun ye una autora novel, porque tien espublizaos poemes en delles antoloxíes y algamó más d’un premiu lliterariu.
Los nomes de la lluvia ye una muestra más de la calidá y fondura de la poesía fecha n’asturianu y más concretamente de la poesía fecha por muyeres en llingua asturiana. Los editores califíquenlu de «poemariu maduru, íntimu, que fala del pasu’l tiempu, les ilusiones perdíes, les espectatives rotes…». Va ilustráu poles semeyes d’Ana Jambrina Huete.
(de Les Noticies, 22-02-2012)
Tierra alantre, la mesma fala 
Deixar ua Respuosta