El Centru Español de Nueva York (239 W. 14th Street) celebra’l domingu 18 de marzu les Xornaes de Cultura Asturiana en Manhattan, coordinaes pola profesora y escritora Paquita Suárez Coalla. Les xornaes tán patrocinaes pol Coordinador Executivu p’Asturies del New York City-Saint Patricks’Day Parade, la Sociedá Rexonal de Turismu d’Asturies y la boutique de productos españoles Despaña Brandfoods.
Los actos van empezar a les 18.30 hores cola proyección del curtiumetraxe n’asturianu El ciclu’l pan, de la Productora de Programes del Principáu d’Asturies. Depués, l’escritor Chema Vega va dar la conferencia Camín Primixeniu (Alfonso II) a Santiago dende Uviéu, sobre la primer ruta xacobea, al traviés del interior d’Asturies. Depués, Paquita Suárez Coalla va lleer el so llibru más recién: Camín de Lletres: d’Asturies Nueva York, col que ganó’l premiu María Xosefa Canellada nel añu 2011.
Les xornaes sobre cultura asturiana van ciarrase con un recital de la Banda Gaites de Corvera, que, dirixida por Bras Rodrigo, va participar el 17 de marzu nel desfile por cuenta de la celebración del día de San Patricio en Nueva York.
(de Les Noticies, 12-03-2012)
Tierra alantre, la mesma fala 
Deixar ua Respuosta