El xueves 3 de mayu va emitise en televisión, per primera vez na historia, un llargumetraxe dobláu al asturianu. Trátase del versionáu na nuesa llingua del westerm McLintock, protagonizáu por John Wayne, Maureen O’Hara, Patrick Wayne y Stefanie Powers, fechu por Gonzali Producciones y que se podrá ver en Teleasturias esi día a les 10 de la nueche, tres d’una presentación previa de la película y el so doblaxe nel programa Primera Plana. Habrá otru pase de McLintock na mesma emisora’l domingu 6 de mayu, a les 3,30 de la tarde.
Les persones que nun tengan sintonizada la canal, puen atapola nel dial 66 de la TDT, mentes que la xente que nun resida n’Asturies va poder ver el llargumetraxe al traviés d’Internet .
Los encargaos de poner voz a los personaxes de McLintock, dirixíos pol actor y direutor escénicu Antón Caamaño, foron el propiu Caamaño (John Wayne), Mayra Fernández (voz de Maureen O’Hara), Carlos Alba, Fernando Marrot ‘Win’, Inma Rodríguez, Ana Díaz Morán, Rodrigo Alba, Carlos Novoa, Fernando de Luxán, Eladio Sánchez, Norberto Sánchez, Arantxa Fernández, Armando Felgueroso, Alberto Álvarez Peña, Carlos González, Hugo Costa , Ruth González, Marcos Nogueiro, Marisa López Diz y Jessica M. de la Paz, ente otros. El productor executivu foi Illán Gonzali.
McLintock pue atopase a la venta, en formatu DVD, en varios establecimientos d’Asturies.
(de L’Asturies Lliberal, 28-04-2012)
Tierra alantre, la mesma fala 
Deixar ua Respuosta