Los neños y neñes del centru rural agrupáu Eugenia Astur, qu’axunta les escueles de La Preda, El Pedregal y Tuña, en Tinéu, fixeron un anunciu pa la campaña de matriculación na asignatura de Llingua Asturiana que yá se pue ver na web d’Educastur y na canal Youtube.
L’anunciu ye una iniciativa pionera y novedosa na que los mesmos escolinos animen a los sos compañeros a solicitar la matriculación na asignatura de Llingua Asturiana en cualquier escuela d’Asturies. Nel spot participen tolos escolinos d’eses escueles, bien sía delantre de la cámara o nos trabayos d’ellaboración del guión al traviés de la so aportación personal d’idees.
La iniciativa parte del área de Llingua Asturiana del centru, que ta al cargu de Pablo A. Quiroga Prendes, y quier convertise nun puntu d’arranque pa la creación, al traviés del propiu centru y col sofitu de la Conseyería d’Educación, d’un concursu anual d’idees y trabayos audiovisuales que fomenten la matriculación na asignatura de Llingua Asturiana en toos y caún de los niveles educativos.
ANEXU: Y tú, ¿por qué t’apuntes a llingua asturiana?
(de Les Noticies, 17-05-2012)
Tierra alantre, la mesma fala 
Deixar ua Respuosta