El Conseyu de Gobiernu d’Asturies aprobó, na reunión del miércoles 8 d’agostu, el decretu d’oficialización de les formes toponímiques tradicionales del conceyu d’Illas, que sustitúin les vixentes hasta agora. Asina, por exemplu, la denominación oficial de la capital del conceyu pasa a ser La Caizuela en cuenta de La Callezuela.
Amás, les Alministraciones públiques tienen la obligación d’adaptar, de manera progresiva y según les sos disponibilidaes presupuestaries, les rotulaciones en víes públiques, carreteres, mapes y planos oficiales a les formes afitaes nel decretu nuevu.
Esta midida encuádrase na Llei d’Usu y promoción del asturianu, qu’establez que los topónimos d’Asturies han tener la denominación oficial na forma tradicional. Esta norma atribúi al Conseyu de Gobiernu la competencia pa determinar los topónimos de la comunidá autónoma, ensin perxuiciu de les competencies municipales y estatales, depués de que la Xunta Asesora de Toponimia emita’l so dictame preceptivu.
(de Les Noticies, 08-08-2012)
Tierra alantre, la mesma fala 
Deixar ua Respuosta