Sethler publica un discu con un cantar pop n’asturianu

Sethler acaba de publicar el discu Batalla. Trátase d’una obra que forma parte d’una triloxía y onde l’autor «nun tien mieu mirar a los güeyos de los grandes del pop español», según señalen dende la discográfica. El discu tamién pue sentise en Spotify y inclúi un cantar n’asturianu: «Non para de llover», que mantién la llinia pop de tola obra.

Sethler ye l’alter ego musical d’Hugo Martín Cuervo, nacíu en Xixón en 1987 y que ye’l director de curtiumetraxes más mozu nomináu a un premiu Goya. Foi cola película Final, nel 2009.

ENLLAZ: Non para de llover.

(de Les Noticies, 02-10-2012)