La editorial colombiana Libros & Libros acaba de publicar en castellanu ¡Alabín, bon ban…!, de Vicente García Oliva. La obra, que n’español tien el nome de ¡Campeón!, editola l’Academia de la Llingua Asturiana na colección de lliteratura xuvenil nel 2006. La novela cuenta la historia d’un neñu chaboleru y marxinal que vive con so ma y que pa evadise del so presente, duru y murniu, suaña con que ye un gran futbolista.
Libros & Libros, cola qu’Oliva yá tien publicaes otres dos noveles, edita una versión empobinada al mercáu llatinoamericanu con cambios respectu al orixinal. Per un llau, la llingua empleada ta revisada polos pedagogos de la editorial pa que valga pa la so entrada nes escueles. Amás, reescribiéronse dellos capítulos y modifícose dalgo’l final, dándo-y un poco más de continuidá.
(de Les Noticies, 12-12-2012)
Deixar ua Respuosta