Goxe Producciones, marca baxo la que s’integra, ente otros, Discos L’Aguañaz, espubliza’l discu nuevu del afamáu grupu asturianu Soncai System, entituláu “Revolusón”. Despliquen dende Goxe que “Soncai System ye’l proyectu onde trabayen a comuña dos nomes perbién conocíos de la escena sonora asturiana, Xune Elipe y Sergio Rodríguez, al que se xunten otros tamién importantes como Vito Álvarez, Aique García, Delfín Valdés, Miguel Herrero, Fran Carrio, Eladio Díaz, Fabián Zapico o Jacobo de Miguel, ente otros”.
Pa esti “Revolusón”, Soncai System abre víes nueves pa la espresión musical n’asturianu, posibilitando la so entrada n’estayes de les qu’hasta esi momentu taba alloñáu, tapando un furacu nel nuesu panorama musical. Poro, afronten el so segundu discu cola mesma filosofía y métodu de trabayu que los caracteriza, asina sobre una base de soníos más o menos baillables, d’aniciu negru, xamaicanu o llatinu, constrúin una propuesta dafechamente actual.
Como bien afiten, “Yá nel nome de la banda pueden aldovinase per ónde van, ésti remembra les típiques discoteques ambulantes que percorren les cais de les ciudaes de Xamaica y que reciben el nome de sounds system; xuégase nelli cola sonoridá que da l’axuntar dos palabres como «son» (soníu) y «cai»”.
(d’Infoasturies, 26-12-2012)
Tierra alantre, la mesma fala 
Deixar ua Respuosta