Esta selmana Valles, nel conceyu de Piloña, sedrá ún de los puntos clave nel panorama musical asturianu, col desendolcu de los II Alcuentros de Músiques Feches n’Asturies. Estes xornaes, entamaes pola Asociación Músico Cultural Bocanegra, tendrán escomienzu’l xueves, cola actuación del grupu folk Bon Tastu en primer términu, y posteriormente los perconocíos Asturiana Mining Company. El vienres sedrá turnu de Xera, qu’amosará la so interesante propuesta, onde s’amesta folk con estayes como la lletrónica.
Amás, el sábadu sedrá’l turnu del grupu d’Astur-Rock Stroza, llideráu pol ex-guitarrista de Los Berrones, Tante. Posteriormente piesllará les xornaes Skama la Rede, que fadrá un repasu a los sos temes más conocíos con motivu del so décimu aniversariu. Too ello sedrá nel llocal de l’AMC Bocanegra, con apertura de puertes siempres una hora enantes del entamu de los distintos conciertos programaos nesta selmana de música fecha n’Asturies que se desendolcará nel conceyu de Piloña.
(d’Infoasturies, 25-03-2013)
Tierra alantre, la mesma fala 
Deixar ua Respuosta