La editorial asturiana Pintar-Pintar espubliza “Cuatro esquinines”, la nueva obra escrita en llingua asturiana por Pepe Monteserín, ya ilustrada por Job Sánchez. “¿Quién nun conoz esa añada que diz: Cuatro esquinines tien la mio cama…? Pos asina mesmu empieza’’l nuesu nuevu llibru tituláu “Cuatro esquinines” […] Solo que, como asocede n’ocasiones, los versos tienen vida propia, y l’’añada conviértese nun risonderu cuentu al aviesu”. Esa ye la propuesta lliteraria que mos presenten dende Pintar-Pintar pa esta nueva obra.
El trabayu ta compuestu por 48 páxines, y yá puede mercase por 12 euros al traviés de la tienda en llinia de la editorial, o bien nes llibreríes que collaboren con Pintar-Pintar. Pa más información alredor de la obra, la editorial ufre más información y la posibilidá de descargar les primeres páxines de la obra al traviés de la so páxina web.
(d’Infoasturies, 28-08-2013)
Tierra alantre, la mesma fala 
Deixar ua Respuosta