L’Academia de la Llingua Asturiana cellebra’l tradicional actu del Día de les Lletres Asturianes nel Teatru Campoamor d’Uviéu a les 20:30 hores.
El programa del actu institucional d’esti XXXV Día de les Lletres Asturianes empicipia con un entamu musical a cargu del gaiteru Jesús Fernández. Darréu, l’Academia cellebra la so Xunta Estraordinaria cola acoyida de les nueves Académiques de Númberu, Carmen Muñíz Cachon y Cristina Valdés Rodríguez, y el discrusu institucional de la Presidenta de l’Academia de la Llingua Asturiana, Ana Cano. Una esbilla lliteraria del númberu últimu de la revista Lliteratura y una actuación musical de Felpeyu, zarrarán l’actu nel Teatru Campoamor.
Como ye vezu, l’Academia entama depués del actu una Espicha, que se va cellebrar nel Llagar Herminio de Cualloto. L’Academia encamienta a confirmar asistencia enantes del día 7 de mayu nel teléfonu 985211837.
Manifestación pola oficialidá
Un añu más, enantes de la cellebración del actu institucional de l’Academia de la Llingua, la Xunta Pola Defensa de la Llingua Asturiana convoca una manifestación pola oficialidá. Col llema “L’Asturianu llingua oficial” va salir a les 19:30 hores de la Estación del Norte d’Uviéu p’acabar delantre del Teatru Campoamor, enantes del aniciu del actu.
(d’Infoasturies, 05-05-2014)
Tierra alantre, la mesma fala 
Deixar ua Respuosta