Tarazones de solombra (Coágulos de sombra)

Iván Suárez Parades
Premio Asturias Joven de Poesía, 2013
ISBN: 978-84-8053-744-5
14,5 x 21,5 cm || 56 páxs. || PVP: 6 €

Tarazones de solombra ye un poemariu escritu dende’l corazón. Pallabres que se visten de seronda y de primavera. Pallabres d’amor y de dolor. Pallabres de suaños y de fracasos. Pallabres de vida. L’autor acaballa ente los tarazones de solombra cola decisión de quien s’arriesga a vivir atáu a la pasión.

Iván Suárez Parades (Grau, 1978) ye mayestru especialista n’Educación Física. Trabayó en dellos centros educativos de Galicia, Aragón y Asturies. Espublizó los llibros Juegos desde los cuentos (CCS 2010) y Juegos para salvar el planeta (CCS 2013). Participó en delles antoloxíes de cuentos curtios y llogró premios polos sos relatos. Collabora cola revista de lliteratura infantil y xuvenil Platero. Ye fundador y guitarrista del grupu punk Los Majaderos.

Soñador incansable, cada nueche piésllase na so factoría de pallabres ficticies y gocia texendo hestories y versos. Cree nel poder que tienen les pallabres p’ayudar a construyir un mundu meyor. Por eso, ámales.

(d’Ediciones Trabe, 12-05-2014)