La Universidá d’Uviéu anunciaba güei al traviés del so boletín diariu d’información “DUO”, la puesta en marcha d’un serviciu pa la consulta del archivu hestóricu de la entidá al traviés d’internet. Esti nuevu serviciu permite la consulta en catalán, gallegu, vascu y castellán, pero non n’asturianu.
Pal Conceyu Universitariu pol Asturianu ye bien llamativo que la Universidá d’Uviéu ufra esti serviciu en toles llingües del estáu español menos na llingua propia d’Asturies, protexida polos propios estatutos de la universidá asturiana.
Por ello, solicitamos al Rector, Vicente Gotor, qu’esti programa recueya tamién la posibilidá d’usar l’asturianu, como col restu de les llingües, y cumpla asina cola normativa de la Universidá d’Uviéu que recueye espresamente que naide podrá ser discrimináu pol usu del asturianu na Universidá, pa lo que ye preciso, y con un costu cero, qu’esti tipu de ferramientes tean disponibles n’asturianu.
ENLLAZ: Accesu a la ferramienta multimedia.
(del
Tierra alantre, la mesma fala 
Deixar ua Respuosta