Para assinalar más un anho de l’aporbaçon de la Lei 7/99 – Lei de l Mirandés – L’Associaçon de Lhéngua i Cultura Mirandesa, an colaboraçon cula la Cámara Munecipal de Miranda de l Douro, ténen la honra de bos cumbidar para partecipar nas “Cumbersas an Mirandés – La stória de la Lei 7/99 na purmeira pessona”, cun Júlio Meirinhos, die 17 de Setembre, a las 9.00 de la nuite, na Casa de las Quatro Squinas, Rue de la Costanielha, an Miranda de l Douro.
Cuntamos cun bós!
“La Lhéngua Mirandesa, doce cumo ua meligrana, guapa i capechana, nun ye de onte, de trasdonte ou trasdontonte mas cunta cun uito séclos de eijisténcia. Sien se subreponer a la “lhéngua fidalga i grabe” l Pertués, ye tan nobre cumo eilha ou outra qualquiera. Hoije recebiu bida nuoba.Saliu de l absedo i de l cenceinho an que bibiu tantos anhos. Deixou de s’acrucar, znudou-se de la bargonha, ampimponou-se para, assi, poder bolar, strebolar i çcampar l probenir. Agarrou l ranhadeiro para abibar l lhume de l’alma i l sangre dun cuorpo bien sano. Chena de proua, abriu la puorta de la sue prieça de casa, puso fincones ne l sou ser, saliu pa las ourrietas i preinadas.Lhibre, cumo l reoxenhor i la chelubrina, yá puode cantar, yá se puôde afirmar. A la par de l Pertués, a partir de hoije, ye lhuç de Miranda, lhuç de Pertual”
Testo d’Apersentaçon de l Porjeto Lei de reconhecimiento de ls dreitos lhenguísticos de la Quemunidade Mirandesa.
Assemblé de la República
Lisboua, 17 de Setembre de 1998
(de la Cámara Munecipal de Miranda de l Douro, 15-09-2014)
Deixar ua Respuosta