La Xunta Xeneral aprobó na sesión plenaria d’esti vienres una moción d’IU que pide al Principáu que negocie col Gobiernu central “con tolos medios al so algame” pa que s’incluyan nos decretos de primaria y secundaria la especialidá del asturianu “pa normalizar y equiparar a los profesores de ‘llingua’ col restu del profesoráu”.
Foi la diputada d’IU Emilia Vázquez la encargada de defender la iniciativa nuna intervención que realizó íntegramente en llingua asturianu. Alcontró apoyos en 33 de los 45 diputaos de la Xunta Xeneral. De fechu tantu IU, como los grupos parlamentarios de PSOE, Foru y Mistu (UPyD) apoyaron la moción.
L’únicu grupu que votó en contra foi’l PP. Na so vez d’intervención, el diputáu del PSOE Vicente Herranz criticó a los ‘populares’ por pronunciase en contra y llamentó la so posición. “Tendrán qu’esplica-y lo a los votantes”, dixo a los ‘populares’ el diputáu socialista.
(d’Asturias24, 21-11-2014)
Tierra alantre, la mesma fala 
Deixar ua Respuosta