La hora de los cuentos n’Asturianu

La hora de los cuentos ye una de les más importantes actividaes d’animación a la llectura de les nueses biblioteques.

Ye una actividá que ta empobinada al públicu infantil y desendólcase siempres a les 6 de la tarde, siguiendo’l calendariu afitáu. Agora a partir de marzu, cola collaboración de la Oficina Municipal de Normalización Llingüística tamién podréis disfrutar de la hora de los cuentos n’asturianu.

Calendariu

· Llunes 2. Biblioteca de L’Arena

· Vienres 6. Biblioteca d’El Llano

· Martes 10. Biblioteca de Pumarín Xixón Sur

· Miércoles 18. Biblioteca d’El Coto

· Xueves 26. Biblioteca de La Calzada

Puedes apuntate a partir del llunes 23 de febreru. Places contaes. La Hora de los Cuentos ye una actividá de baldre pero na que ye obligatoria la inscripción ya que les places tán contaes y axudíquense por estrictu orde de solicitú.

Les inscripciones faránse al traviés d’estos medios:

– Oficines d’Atención Ciudadana
– Caxeros ciudadanos
– Per internet
– Al traviés del móvil (igijon)

La inscripción faráse col númberu de la tarxeta ciudadana.

P’acceder a l’actividá’l día de la sesión ye necesario presentar el xustificante de la inscripción y ye preciso acudir cola antelación necesaria, puesto que, una vegada entamada la sesión, nun se permitirá l’accesu a la sala.

Si nun se pue acudir a la sesión, ye obligatorio llamar per teléfonu a la biblioteca p’avisar. En casu contrariu perderíase’l derechu a inscribise nesta actividá durante les dos sesiones que vengan darréu.

(del Ayuntamientu de Xixón, 23-02-2015)