“La paciencia del faquir” (Algamar Producciones,2015) ye’l nuevu trabayu discográficu del turonés Alfredo González.
Un total de diez temes que progresen haza un soníu muncho más llétricu, metiéndose de llenu nun escenariu d’enclín indie-rock, y que supón una nueva evolución na so carrera, llevándonos pa con un soníu de banda y alloñándose, polo menos pel momentu, de los escenarios en solitariu.
“la paciencia ta acabándose, quédame bien poco yá (como a cualquier trabayador d’esti país); y por otra, precisaba faer un viraxe fuerte, un cambéu na mio música. Realmente, yá lo fixi cuando grabé “La nada y la to” y tamién con “Dobleces”. Soi un músicu inquietu y preciso esquizar nuevos territorios costantemente. Al meyor, lo siguiente ye un discu de rancheres… “, comenta’l propiu autor.
Un trabayu discográficu grabáu nel Puertu de Santa María nel estudiu comandáu pol tamién asturianu Paco Loco, que nos avera a la mesma vida, enllena de cabreos, penes, enganíes, dolor y hestories reales ocultes na ficción.
Como siempres, la lletra y música de los cantares cuerren casi toes a cargu del propiu Alfredo González , pal restu echa mano de collaboradores avezaos[ “la última revolución” (lletra de Pablo Moru y remate musical de Javi Vallina); “ mala xente que camina” (lletra de Pablo Texón y Alfredo González); “Fuera toos roben” (lletra de Pablo Texón); “Sopa de gran pena” (Lletra de Boni Pérez, inspirada pol títulu del cómic “Heartbreak Soup”, de Beto Hernández)].
Respectu al diseñu gráficu ya intervención de la portada y llibretu, cuerre a cargu esta vegada d’Iván Vallina.
(d’Infoasturies, 26-02-2015)
Tierra alantre, la mesma fala 
Deixar ua Respuosta