Una petición en change.org de la escritora Raquel F. Menéndez “contra l’escarniu al asturianu dende la Universidá d’Uviéu” axunta 1200 firmes nun día.
Raquel F. Menéndez diz faer la petición de firmes pa llograr que l’Ayuntamientu quite les subvenciones a la Cátedra Alarcos tres de les declaraciones insultantes del fíu d’Emilio Alarcos, profesor Ayudante de la Universidá d’Uviéu, por “sentimientu personal, pero pensando nes voces de tolos poetes y de tolos falantes de la llingua asturiana que dalguna vez sintiéronse censuraos por usar la so llingua”.
Les palabres de Miguel Alarcos tuvieron continuación nel grupu de Facebook qu’alministra embaxo’l nome de “Pervivencia y actualidad” onde diz que “todo fue muy bonito, salvo por una cosa que afea el libro… La presencia de poesía en llingua asturiana, constructo artificial que nadie habla y que tanto denostó Emilio Alarcos, lo que le costó insultos y sinsabores”.
Pero lo más grave ye que delles llínees depués entá desvaría más: “queda terminantemente prohibido cualquier uso o difusión del acto o de cualquier otro en que el nombre de Alarcos Llorach se vea mezclado con las actividades de ese invento del asturiano… una puta mentira que se aprovecha de la gente de bien y beneficia a políticos y filólogos paletos”. Ya inclusu fai una alvertencia: “queda también prohibido la defensa o uso de la llingua asturiana en este grupo. Antes era tolerante. Ahora se me han hinchado las pelotas y ya no paso ni una”. Poco más ha decise. Ya lo califica’l propiu Miguel Alarcos sin que faiga falta añadir denguna cosa más.
ENLLAZ: Pitición en Change.org.
(d’Asturnews, 29-10-2015)
Tierra alantre, la mesma fala 
Deixar ua Respuosta