La Conseyería d’Educación y Cultura propón actividaes a los centros educativos pa festexar la 37 Selmana de les Lletres Asturianes
Na selmana del 2 al 10 de mayu, el Gobiernu del Principáu d’Asturies celebra la 37 Selmana de les Lletres Asturianes, una iniciativa pensada pa recordar la importancia de caltener el nuestru patrimoniu llingüísticu. Por cuenta d’esta celebración, la Dirección Xeneral de Planificación Llingüística y Normalización propunxo a tolos centros educativos una partida d’actividaes pa desenvolver a lo llargo d’esa selmana pa que tola comunidá educativa conoza la riqueza que supón la existencia nel nuestru territoriu d’asturianu y gallego-asturianu.
Les propuestes son variaes: dende llectures públiques hasta dramatizaciones, pasando pela ellaboración de murales, periódicos escolares, esposiciones, homenaxes a escritores o obres, actividaes musicales, etc. Tamién se convida a los centros a comunicar les sos esperiencies, amás de unviar semeyes de los actos a splnormalizacion@asturias.org pa participar nun sortéu de fondos bibliográficos y publicales nel Facebook de la Selmana. Los hashtags de la campaña son #selmanadeleslletres y #semanadaslletras.
ANEXU: Propuestes 37 Selmana de les Lletres.
(d’Educastur, 11-04-2016)
Tierra alantre, la mesma fala 
Deixar ua Respuosta